ग्रामसेवक एस.बी.मठमवार यांना निलंबित करण्याची मागणी... भ्रष्टाचाराचा गंभीर आरोप... उचित कारवाई न झाल्यास आमरण उपोषणाचा इशारा

ग्रामसेवक एस.बी.मठमवार यांना निलंबित करण्याची मागणी...
भ्रष्टाचाराचा गंभीर आरोप...
   उचित कारवाई न झाल्यास आमरण उपोषणाचा इशारा

नांदेड - वैभव घाटे

        नांदेड जिल्हापरिषदेअंतर्गत येणाऱ्या बिलोली तालुक्यातील बडुर येथे कार्यरत असणारे ग्रामसेवक एस.बी मठमवार हे बडुर व्यतिरिक्त मौजे बामणी व पोखर्णि ह्या ठिकाणी देखील ग्रामविकास अधिकारी म्हणून काम पाहतात.अकार्यक्षम,उर्मट बोली,व भ्रष्ट अधिकारी म्हणून त्यांची प्रतिमा आहे.
         सगरोळी सर्कलमधील बडुर हे मोठे गण मानल्या जाते.पाच हजाराच्या वर लोकसंख्या असलेल्या गावात विकासाच्या नावाखाली मोठ्या प्रमाणात भ्रष्ट व मनमानी कारभार चालू असून याकडे गटविकास अधिकाऱ्याने लक्ष देण्याची गरज असल्याची चर्चा नागरिकांमध्ये होत आहे.हा त्यांचा भ्रष्ट कारभार संविधान दुगाने यांनी दि.14 जुलै रोजी मागितलेल्या माहिती अधिकारामुळे उघडकिस आला  आहे.ती माहिती जनअपीलीय अधिकाऱ्याकडे तक्रार केल्यानंतरच त्यांनी दिली आहे.ग्रामपंचायत कार्यायालयाकडून मिळणारे रहिवासी व इतर प्रमाणपत्रासाठी संबधीत अधिकाऱ्याने अडवणुक केल्यामुळे अनेकांचे शैक्षणिक नुकसान झाले आहे.कित्येक जणांना शासनाच्या विविध योजनांना मुकावे लागले आहे.यावरून ग्रामसेवकाच्या  अकार्यक्षमतेची जवळून प्रचिती येते.चौदाव्या वित्त आयोगाचा निधी,व राजस्व स्त्रोतात वाढ करण्याच्या द्रुष्टीने जमा केलेला कर हडप केल्याचा आरोप ग्रामसेवकावर करण्यात आला आहे.कारण त्यांनी दिलेली माहितीमध्ये खूप अस्पष्टपणा असून समोरच्या व्यक्तीला उमजूच नये हा त्या पाटिमागचा उद्देश असावा.दीवाबत्ती आणि पाणी पुरवठा फक्त या दोन बाबीसाठी 7 लाख 82 हजार रुपये खर्च झाल्याची माहिती त्यानी दिली आहे.ज्या डिजिटल बल्बची किंमत बाजारात हजार ते बाराशे रुपये आहे त्याची किंमत ग्रामसेवकाच्या शासकीय दस्तऐवजावर मात्र तब्बल सहा हजार चारशे रुपये आहे.त्याच बरोबर गावातील अनेक गोर गरीब व मागास लोकांकडून प्लॉट नावावर करण्यासाठी पैसे उकळल्याची चर्चा मागे स्वातंत्र्य दिनानिमित्त घेण्यात आलेल्या ग्रामसभेत झाली आहे.इतक्या मोठ्याप्रमात लूट चालू असल्याची पूर्व कल्पना असूनही याकडे लक्ष देण्यासाठी कुठल्याच अधिकाऱ्याकडे वेळ नाही का ? हा प्रश्न उपस्थित होत आहे. या बाबतची प्रासंगिक  माहिती बिलोली गटविकास अधिकारी यू.डी राहाटिकर यांना वारणेचा वाघ संघटनेच्या संविधान दुगाने यांनी लेखी निवेदनाद्वारे देऊन तात्काळ चौकशीची मागणी केली होती.
परंतु या पंधरवाढ्यात कोणतीच कारवाई न झाल्याने काल 5 तारखेला दिलेल्या लेखी निवेदना द्वारे संविधान दुगाने यांनी नांदेड जिल्हापरिषद कार्लायालयासमोर  बेमूदत आमरण उपोषणाचा इशारा दिला आहे.