महाराष्ट्र पुरोगामी पत्रकार संघ बिलोली व तुकाराम सुर्यवंशी बहुउद्देशिय संस्था च्या संयुक्त विद्यमाने सभापती निवास प्रांगणात संविधान दिन मोठया उत्साहाने साजरा करण्यात आला

बिलोली : डी.टी.सुर्यवंशी


समस्त विश्वाला आदर्शवत व अनेक राष्ट्रांनी संदर्भ म्हणून स्विकृत अशा भारतीय संविधानाचा गौरव दिन म्हणून अधिकारी ; पत्रकार व संविधान प्रेमी नागरिकांच्या उपस्थितित पार पडला . डॉ बाबासाहेब आंबेडकरांनी 2 वर्ष 11 महिने 17 दिवस अथक परिश्रम करून संविधानरुपी शिल्प राष्ट्रास अर्पण केले . भारतात असणारी विविधता व विषमतेचा अभ्यास करून सुवर्णमध्य साधला .

न्याय स्वातंत्र्य समता व बंधुतेचा जागर करून मानवी दरी संपवणारी व प्रत्येक नागरिकाला प्रतिष्ठा व ओळख विधिवत उपलब्ध करणारे संविधान हे समस्त भारतीय जणांसाठी आदरणीय आहे . सदर ग्रंथराजाचा यथोचित सन्मान त्यात मिळालेल्या अधिकाराचे संगोपण व संवर्धन होणे हे या दिनाचे महत्व आहे .

कार्यक्रमाची सुरुवात डॉ बाबासाहेब आंबेडकर व संविधान ग्रंथाचे पुष्पपुजन करून करण्यात आले व संविधानाच्या उद्देशिकेचे प्रकटवाचन करण्यात आले . ह्यावेळी उपस्थित मान्यवरांनी आपले मत मांडुन प्रबोधन केले .

कार्यक्रमाचे अध्यक्ष स्थान पोलिस निरिक्षक भगवान धबडगे नी भूषविले . कार्यक्रमास महाराष्ट्र पुरोगामी पत्रकार संघाचे सुनिल कदम मारोती भदरगे मारोती भालेराव संजय जाधव डी टी सुर्यवंशी यादव लोकडे संजय पोवाडे प्रल्हाद वाघमारे व प्रा धम्मपाल जाधव मुन्ना पोवाडे अमजद चाऊस यांची प्रमुख उपस्थिती लाभली .